Kua tau i a Hinerangi Goodman, kua whakakorehia āna whāinga whakawā i Te Kaunihera ā rohe o Whakatāne. Kua tau hoki i te kaipāpaho Māori o mua, ka whakataetae anō ia i te tūranga Koromatua hei te tau 2022.
I tētahi pānuitanga, ko tā Goodman kōrero, “I will return in 2022 to challenge the Mayoral position and also the seat of Councillor for Galatea-Murupara ward. My intention is to bring the heart back to Murupara (just like the vibrant bustling).”
I hinga a Goodman i te kautetanga anō o ngā pōti whai muri i tana toahanga ki runga ake o Alison Silcock i te tauritenga o ngā pōti i te kaute tuatahi, ā i puta ai tōna ingoa i te pōtae.
“After weeks of local body election processes and having sought legal advice I have decided to concede and bow out graciously.”
He whārangi Givealittle i whakatūria e Goodman hei kohi pūtea, ko te $1821.00 i kohia ka utu i tana roia, ā ko ngā toenga pūtea ka tākohahia ki tētahi huihuinga Kirihimete mā nga tamariki i Murupara.
E ai ki a ia, he matakerepō te āhua i rongo ai ia, ao ake i te tono a Silcock kia tatauria anō ngā poti i muri i te wā i oatihia kētia ko ia hei kaikaunihera.
I roto anō i tana pānui, i puta i a ia te whakamārama, i whāwhai kē Te Kaunihera ā rohe o Whakatāne ki te oati i te katoa o ngā kaikaunihera, kia wawe te whakamana i tā rātou pūrongo ā tau.
“The race was far from over and I have become the casualty of such rash decisions.”
Heoi hei tā Goodman, he tino hīkoitanga motuhake te mahi tahi ki tētahi tira i aro nui ai ki te whakakaha ake i te reo mō ngā take mana tangata me āna pānga ki ngā rohe pōti.
“I firmly believe Whakatāne District Council has a duty of care, in that it must carefully consider how it passes judgement and give assurance that the process be much clearer to all participants.”