Nā Te Parawhau, te karanga, kia para ai te tini ngerongero i ngā huarahi o Whangārei, kia whakaatu ki te ao, ehara te tūkino wahine, tangata rānei i te mea tika.
Tekau rā ki muri, ka whakahokia te tinana o Patricia McGrath, e 34 ngā tau, ki te kōpū o te whenua.
E whakapaea ana koia i riro i te ringa patu o tōna hoa rangatira ō-mua.
I tū mai a Phillip Andre Mahanga, e 32 ngā tau, i mua i te aroaro o te Kōti o Whangārei inanahi nei, i runga i ngā whakapae mō te tūkinotanga o McGrath, ā, i ūhia he whakapae taimaha ake anō, he whakapae whakamate pokerehuū
Ka mutu, i rere atu hoki te pōhiri a te hunga hīkoi, ki te whānau Mahanga.
Hakoa horekau a Patricia McGrath e hīkoi ana i te mata o te whenua, e anga whakamua, pau te kaha ana tōna māmā, hei painga mō āna tamariki mokopuna.
Māro ana te tū a ēnei tāne kia aukati ai i te tūkino wahine ki te hapori.
Ko Phillip Mahanga tērā, ka whakawākina e te ture, puta atu anō ai ki mua I te aroaro o te Kōti o Whangārei a te 14 o Pepuere.
Kairīpoata: Harata Brown