Kei te toro tonu atu te ringa āwhina o Norm Hewitt ki a Zac Guildford, hei āwhina i te tama Māori nei kua raru anō, nā te inu waipiro.
I whakaritea kia hui tahi te tokorua nei i mua i te takanga anō o Guildford ki te raru i tēnei marama, engari kaare te tipua paehau i tae atu. I raru hoki a Hewitt i te inu waipiro. I te tau 1999, i kuhu poka noa atu ia ki tētahi hōtērā i Tāhuna.
10 katoa ngā tākaro a Guildford i te poraka Ōpango, nō tērā wiki ka heke iho i tana tūranga i te kapa Crusaders mō tēnei tau, whai muri i tētahi raruraru i tētahi whare ki Ōtautahi i te 12 o tēnei marama. Ko te whakapae, nāna tētahi tangata i patu.
Kairīpoata: Rahia Timutimu