E whakatata atu ana ki te tīmatanga o te tau tākaro Super Rugby, engari mō te pouwaenga māori o te kapa Chiefs, a Richard Kahui, kaore ia i te tākaro i te tukinga whakatuwhera o te tau, nā te wharanga ki tōna pokohiwi.
Kua whakarewahia te tau tākaro Super Rugby tua ngahuru tekau mā waru, na tona wharanga pokohiwi, me noho puku tonu a Richard Kahui.
He kaitākaro tokorua no ia o nga kapa Super Rugby e rima o Aotearoa, i karapinepine atu ki te karapu hoe waka Royal Akarana i Okahu, Tāmaki Makaurau, he pakanga hoe Waka Ama tā rātou mahi.
Ka noho atu a Richard Kahui ki rahaki o te kapa Chiefs i te tīmatatanga o te whakataetae Super 15. Kei te piki tonu te ora ki a ia whai muri i te hāparaparatanga o tōna pokohiwi. Kua waru marama te uri nei o Maniapoto e noho paetaha ana, ko te wharanga te take.
Engari mo Victor Vito kei runga papa tākaro ka kitea ngā hua o ia kapa, ahakoa ngā tukinga whakaharatau hei enei rangi okioki, no te rāuna tuarua puta ai nga kapa Aotearoa ki te mura o te ahi, ka tuki atu ngā Hurricanes ki ngā Blues, ko nga kapa no Ahitereria anake ka takaro i te huringa tuatahi.
Me te mea nei, he taonga ano kei te manawaru o te ngakau o ia kapa, hei pakangatanga mā ngā kapa o Aotearoa anake.
Kairīpoata: Tamati Tiananga