I te ahunga whakamua o te hokotanga o ngā hea o Mighty River Power, ka uaua pea te hokohoko atu i ngā rawa ā motu e toe ana nā runga i tētahi whakataunga ā iwi e whāia ana e ngā Kakariki.
E ai ki te kaiārahi takirua o te Pāti kiā Russel Norman, kei i a rātou te tautoko kia meia ai rātou ki te whakaritea pōti.
Ko tā ngā Kakariki kei i a rātou ngā nama, kei i a rātou hoki te mana ki te anga whakamua.
Kua tata hipa te kotahi tau no te timatanga o te petihana a ngā Kakariki hei karo i te hokotanga atu o ngā rawa ā motu o Meridian Energy o Mighty River Power o Genesis Energy o Solid Energy ano.
Ko tā Russel Norman, “ko te whai a te Kāwanatanga ki te hoko atu i aua rawa he kaupapa e tango hāere i te mana o Aotearoa i ngā kamupene nunui rawa ki konei.”
Ka tukuna te petihana ki te tari o te Karaka, mena ka tutuki ngā whakaritenga katoa ka whakatakotoria atu ki te Whare Paremata katahi, ko te tikanga ka whakatūria tētahi kowhiringa ā iwi e te Kāwanatanga i mua i te paunga o te tau, hei reira whai reo ai te hunga pōti.
Engari ara tonu tētahi tairi a Kupe, ehara i te mea ka herea e te Kāwanatanga i ngā hua o te whakataunga ā iwi.
Otirā ko tā Norman, ki te huri tuaratia ngā hua o te whakataunga ā iwi he near tēra pea ki te kāwhena a John Key.
Hei te tekau ma rua tēnei marama tuluna atu te petihana ki te tari o te Karaka, hei reira ka kitea mena ka whai mana nui ake te pene i tēra o te hoari.