E hāngai ana te pūrongo nei ki te take i whakaaetia e Shane Jones te tono uru whenua a te kaimiriona Hainamana a Yong Ming Yan.
Na, i tera tau i whakawāngia a Yan mo ngā heitara mahi tinihanga uruuruwhenua, nā wai rā, ka whakawāteatia ia - ā ko taua kōrero anō rā mō Shane Jones i te rangi nei.
E iwa marama a Shane Jones e noho ngū ana mō ngā whakapae mōna. Ae marika kua tino rongo ia i te taumaha. Heoi, e tika ana ahiahi mai ka puta te purongo e whakawatea ana i a ia.
Ko tāna “i taunutia ahua e te marea, mēna he ahuatanga pēra ka pā ki te tangata ahakoa ko wai ka ahua rorirori hāere”.
Kāti, ko te tā te tirohanga hōmiromiro a te kaiarotake matua, he whakamātautau mena i hē ta Shane Jones whakaae ki te uruwhenua a Yong Ming Yan.
He tangata i rapa i taua wā ki te rārangi mauhere a te mana Pirihimana a aō.
E ai ki te purongo - ahakoa te kakama o tā Shane Jones whakatau - he ihu hupe ngā māngai o te tari manene i whāngai mōhioranga ki a ia, otira karekau ia i whiwhi ki nga mohioranga tika.
Tēra tēra, ko te patai iaianei, e tika ana kia noho tonu a Yong Ming Yan, e mōhiotia hoki ki te ingoa Bill Liu, ki Aotearoa?
Nō reira kua whakapaingia te ingoa o Shane Jones, mō tēnei wā. Heoi, me matāra ia ki te raru nui ano. Inā te korero, e toru hapanga rawa, ka hinga.