O te motu whānui ko Ngāi Tūhoe tētahi o ngā iwi i kaha ngaua e te Karauna. Nā whai anō te ara uaua ki te whakatau tika i āna nawe.
Ko Tamati Kruger tēra i ārahi i te hunga nā rātou taua mahi nui. He tāngata whakamōwai ka hīkoi ki muri tonu i te tira, ka noho ki te rārangi tuarua o te paepae.
Engari, tē taea te karo i ngā mihi mutunga kore ki a ia i te rangi nei.
Kua tata ki te rima tau inaianei no te hui kōwhiringa kōrero tuatahi a Ngāi Tūhoe me te Karauna.
Tēra te wā i whakaarotia ka kore rawa Te Urewera e whakahokia ki te iwi, engari e ai ki te Minita, i tū māro tonu te tira whiriwhiri.
Ka tika rā ehara i te huarahi māmā, engari kē, he mahi taumaha.
Kāti e ai ki te whakataunga ka whakahokia ki a Ngāi Tūhoe te mana whakahaere i Te Urewera, he $170 miriona, me te mana motuhake ki ngā ratonga pēnei i te hauora, te mātauranga, me ngā take whare.
Ko te wero inaianei ko te whakahoki i te kawenata ki te wā kainga. Inā tautokotia ai e te iwi, ka whakatakotoria ki te aroaro o te whare paremata, hei reira whakamanangia ai.
Ae mārika ko te pae tawhiti kua ekea nei e Tamati, ā, kua eke te wā e ara ake ai te reanga hou ki te pae.
Kairīpoata: Maiki Sherman.