Ko tā Kuha, mei kore ake te kaihautū tekehi i taraiwa i te waka tūroro, kia taea ai e te manapou takitahi te āwhina i a ia, ka kore pea ia e puta ki te ora.
I te kainga a Sam Kuha e ora mai ana i te ra nei e whakamiharo ana ki ngā mahi a te ratonga kawe tūroro o Saint Johns.
Ko tāna, “e mahi ana ngā āpiha i runga i te iti, kāore aku tohe ki te ratonga waka turoro o St John me the tari A & E - katoa ā rātou mahi he rangatira.”
Ko tā te kaiwhakahaere o St Johns a Wally Mitchell, “ahakoa te tūhāhā o ētahi o ngā takiwā o te Tai Tokerau, ka tāea ō mātou turoro te tere kawe ake ki wāhi haumanu.”
He tino waimaria i tupono noa te tāenga mai o Dan Korewha he kaihautu kawe pāhihi, he kaituao ō mua mā St John.
Ko tā Korewha, “i pātai mai te kaitaraiwa waka tūroro, māku te waka e taraiwa, nōreira i whakaae au, ka taraiwa i a rāua ko Sam ki te Pewhairangi, ko ia i muri e āwhina ana i a Sam.”
He rōpu awhina tangata, puta noa i te motu kei te āta tatari a St Johns i nga whakahaere kia piki ake te hua o ngā mahi. Engari ehara i te mea kei a rātou he puna mutunga kore mo te pūtea me te rauemi.
He tohu hoki o te wa rawa kore ko te torutoru o nga tangata e watea ana ki nga mahi hei kaituao mā te iwi.
He ratonga tēnei e mahi ana i runga te ngakaunui kia āwhina i te iwi puta noa.
Kairīpoata: Dean Nathan.