Nō te rā nei, ka tīmatahia tēnei tirohanga e Kahurangi Beverly Wakem, te tumu o Te Tari o te Kai-tiaki Mana Tangata.
I raro i te Ture Mātauranga, kua herea te Minita Take Mātauranga ki te whakawhiti kōrero i mua i tāna whakakapi, whakahanumi kura rānei.
Ka mutu, me whai waahi Te Tāhuhu ki te āwhina i te Minita i roto i ērā whakawhitinga kōrero. Ka āta titiro a Kahurangi Beverly ki ngā hui whakawhiti kōrero maha kua whakahaerehia i ngā tau mō te whakakapi me te whakahanumi kura, tae atu ki ngā tikanga i whakahaerehia mō ngā kura i Ōtautahi.
E īnoi ana a Kahurangi Beverly ki te hunga e pupuri kōrero whai pānga ana ki tēnei whakatewhatewhanga, kia whakapā atu ki tana tari.
Kaati, kei te whakawhiti atu tātou i tēnei wā ki Mātangireira i te Whare Pāremata, ki te kōrero atu ki Te Minita Take Mātauranga, ki a Hekia Parata.
Kairīpoata: Piripi Taylor.