Kua whakahuihui atu ngā ākonga o mua, ki Holy Sepulcher i Tamaki nei, ki te whakakotahi mai i ngā whakaaro, me pēhea ra e ara mai ano, he kura kareti motuhake o Te Hāhi Mihingare, mo ngā taitama tāne Maori.
Kei te takiwā o ngā miriona tāra te nui o ngā pūtea e hiahiatia ana kia whakahaere ano i te kura, heoi ano hei tā tētahi o ngā Mema o Te Poari, kua tae ki te wā e whakatinana i ngā wawata.
I whakahuihui ai ngā pūkōrero ō Tipene, inanahi, me te whakawhāriki i nga whakaaro ka pehea nei te hanga o te kura hou. Ko tā rātou, kua tae te wā, kia whakatū ano he Kura Motuhake mo ngā tai tamataane Māori o te motu.
Heoi anō he ao hou tēnei, ā, e kore pea e rite te hanga ki te Tipene o mua, i kapia na ngā tuāhutanga moni, te taha ki te ako, me te wairua whakawhiu.
Na whai ano, ka whai waahi atu nga kōrero o ngā pia ō mua ki te kete rangahau a te rōpu e tirohia nei ngā hua o te whakatū mai i a Tipene, me tana kura tuahine, ko Wikitoria.
Ko ngā pātai kei mua i te aroaro o te tini i tēnei wā, ka ahu kē mai ngā moni taunaki, i hea, a, me te mea hoki, ka taunakitia te wawata nei e te Tāhūhū Matauranga?