Kua ara ake a Tūteao Marae no Te Teko hei whakaihuwaka i te hōtaka tao kai Marae Kai Masters a Whakaata Māori.
Whai muri i ētahi whiringa e toru ki ōna hoariri, he marae kē atu o te motu, kua hoki toa atu te kāhui tao toa ki te kainga me ētahi tāonga, he whā tekau mano tāra te uara.
E kore rawa ngā kaimatakimataki e wareware i nga tihohe i kawea ake e Tūteao Marae, o Te Teko ki nga pouaka whakaata o te motu.
Engari kīhai rātou i eke ki te tūranga toa nā runga i te wairua katakata, engari kē, na ngā kai reka, rerekē hoki a ngā ringa wera.
Ko Gundy Pryor rātou ko Lolo Hale, ko Philly Moses, ko Gaynor Paul ngā kanohi kitea.
Koni atu i te rua rau ngā tángata i tae ki Tūteao Marae inapo ki te whakanui I te kaupapa.
Ko ngā ringawera o Huria Marae no Tauranga Moana ngā hoa whakataetae o Tūteao i te whiringa toa.
Ko te wero nui, he whāngai I te rua rau tāngata ki ētahi pereti kai e toru. He umu, he tuuru, he rahinga kai hoki na Tangaroa etahi o nga taonga i whakawhiwhia ki te marae o Tuteao.