Kua hainatia he rautaki whakahaere e ngā iwi e ono o Papakura rāua ko te Poari-ā-rohe o Papakura kia tautiaki i tētahi pā tūwatawata o Papakura.
I hua ake tēnei take whai muri i te kaha ngana a te Kāwanatanga ki te huri i te wāhi tapu nei kei wāhi kai mō te marea.
Ko Ngāi Tai ki Tāmaki, ko Ngāti Paoa, ko Ngāti Tamaoho, ko Ngāti Te Ata, ko Te Akitai Waiohua, rātou ko Ngāti Whanaunga ērā e kawe ana i te manuka kia whawhai mo ā rātou whenua tupuna, ā, ko te whakatika i te ingoa te mahi tuatahi.
I te hiahia te Kāwanatanga kia huri te wāhi tapu rā hei wāhi kai mō te marea, me te hanga i ētahi huarahi hīkoi, heoi e ai ki a David Wilson-Takānini ka takahi kē tērā i te wairua o te wāhi.
Kua whakamanahia e te Kāwanatanga te tono kia tiaki ai rātou i te whenua tapu i raro i te ture rāhui 1977. Ā, ko tā Ted e hiahia ana ia ki te kite i te whakahaumanutanga o te pā.
E ai ki a David he roa rawa atu te huarahi whakatutuki.