He tata ki te rima rau tāngata i tae mai ki te kawe mai i a rātou mihi aroha ki a ia.
I noho tonu ia hei pou anō mō te Whanganui a Tara i roto i a rātou mahi katoa.
Ko ia tonu te kaiwhakahaere matua mō ngā kerēme o te iwi, ā, i whakawhiwhia anō hoki a Jackson ki te tohu huanga mō āna whakapau kaha ki tōna hapori.
Hei tā tāna mokopuna tuatahi, tā Jason Williams, he rā tēnei kua kore rawa e hiahia, he pōkeao kua whakatūturutia.
Ko ia te kaumātua o te whaitua nei, ko ia tonu ka whakatau i ngā manuhiri tuārangi o te ao.
I te tau rua mano tekau nāna a Prince William i whakatau ki te Whanganui a Tara.
Ka mahue mai ko tōna hoa rangatira a June Jackson, a rāua tamariki, mokopuna, tuarua anō hoki.