Kua pau te tekau tau nō te hokotanga o Te Arai i raro i te whakataunga tiriti o Te Uri ō Hau kātahi anō ka whakaaetia kia anga mua ngā whakaahuatanga ki runga i te whenua.
Hei tā Rawson Wright o Te Uri ō Hau Settlement Trust, “Kua roa rawa mai i te tīmatanga ki tēnei rā. Iāianei ki raro i te whakahau a ngā komihana ka anga mua ngā mahi ki konei.”
He kaupapa tēnei kua herea rawatia e te rīpene whero, iaianei kei te tautokotia e ngā rōpū tiaki taiao te ingoatanga o te papa haupāoro nei ki te manu taraiti me tētahi pūtea tautoko i te orangatonutanga o tōna taiao.
Iaianei neke atu i kotahi rau whitu heketea ka takohangia e te iwi ki te kaunihera o Tāmaki hei whakarekareka i tā rātou tono me te matapae a Te Uri ō Hau mā te mahi ngātahi me te Marikena whai rawa a Rick Kayne e whai painga ai ōna uri whitu mano ki tua.
Ko tā Wright anō, “Kua takoto he tūāpapa mō te oranga ki tua o Te Uri ō Hau.”
Iaianei kua tata rawa tēnei pae tawhiti te whakamaua kia tina.