I tēnei wiki i rere tētahi petihana kia unuhia ake te kaipuke Rena i Otaiti. Nā Pat Spellman i whakāra i te petihana, a, nuku atu i te rima rau ngā tangata e tautoko ana i te karanga.
No tērā mārama i whakauruhia e ngā kaipupuri o te kaipuke o Rena tā ratou tono ki roto i te kooti taiao kia noho tonu te Rena ki Otaiti.
Ki ta ngā kaipupuri o te Rena, ka eke te utu ki te toru rau miriona hei tango i te Rena, he putea tēnei ka tapiritia atu ki te toru rau miriona kua whakapauhia kē.
I pae te kaipuke o Rena ki Otaiti i te tuarima o Whiringa a Nuku, rua mano tekau ma tahi. Iwa ra i muri ake i tuku whakapāha ngā kaipupuri o te Rena. Nuku atu i te toru rau, rima tekau tana te nui o te peneheni i maringi ake.
E ai ki te kōrero ki te unuhia te Rena mai i Otaiti, ka tekau tau te roa o tērā mahi.