He amokapua, he tātarariki i te hunga e ngana ana kia whakatairangatia ai te reo Māori me ōna tikanga. Kua whakahōnoretia a Tākuta Huirangi Eruera Waikerepuru, mōna kua tohua hei hoa ki Te Kāhui Hiranga o te Kuini o Ingarangi. Ko ia tētahi o ngā kaiārahi i te rōpu o ngā Kaiwhakapūmau i Te Reo, nā rātau te mana o te Reo Māori i hāpai kia mana ā-ture ki tēnei whenua.
I te taha tonga o Taranaki maunga, ko te papa kainga e mohiotia nei ko Pouakai, te whakaruruhau o te kaumatua a Huirangi Waikerepuru me tōna whānau, i tutaki taki ia rāua ko tā mātou karere a momai Pihama ina tata ki te whakawhiti korero mo tāna whakawhiwhinga ki te tohu a te Kuini o Ingarangi kātahi, engari ko te pūtake kē, ko te take i riro i a ia taua tohu, arā ko te nuinga o tōna oranga, e ngana ana kia Mana ai te reo Māori me ōna tikanga.