Ko 'Tick for Kids' tētahi kaupapa e whai reo ai te tamaiti ki te kōrero ki ngā mema pāremata me te tohutohu atu, he aha e whakamahia ana, he aha rānei kare e whakamahia ana e te kāwanatanga hei tautoko i ngā tamariki o tēnei motu.
Ā, i te whakatūwheratanga o te kaupapa 'Tick For Kids' kua whai reo ngā tamariki pēnei i ēnei nā o Te Ipu Pākore me te whakatika i ngā mema pāremata.
Na, ko Tick for Kids tētahi taumata e noho ai Te Kāhui Mana Ririki, he rōpū e tautoko ana i te hunga tamariki, ā, e kawe kaupapa Māori ana hei rongoā i tēnei āhuatanga te tūkino tamariki.
E mea ana ngā rōpū tautoko tamariki, ia tau he ono tekau ngā pēpe kei raro i te kotahi tau te pakeke ka mate, me te mea nei, ka whai pānga ēnei matenga ki te oranga-a-ōhanga.
Nā reira e mea ana a Anton Blank me kaha te tautohe i ngā take e pēhi rawa ana i ngā tamariki mokopuna.
Koinei te tuatahi o ngā kaupapa a Tick For Kids, ā, ka kawea haeretia tēnei kaupapa ki ngā kura puta noa i te motu.