He kapa hōu kei te tihi o te arawhata i te reanga tuatahi o te whakataetae rīki o Waicoa, ko te kapa o Hukanui tērā kei mua e arataki ana.
Heoi, kāre tā rātou tukinga ki te kapa whakawhanake o Tūrangawaewae i tino eke ki tā rātou i hiahia ai, ahakoa i toa tonu rātou, e toru tekau mā waru ngā tatau ki te tekau mā ono.
Rere ana te ihi i a Hukanui i te tīmatanga, i whakawhiti a Reihana Tairakena i te rārangi piro.
I hoki mai a Tūrangawaewae i ngā mineti i muri tata iho. Ko James Maru tēra i tutuki i te piro tuatahi mō te haukainga.
Heoi, kāre i roa i reira anō a Hukanui, ā, puta ana te pūkenga o Dennis Pōtae i a ia e whai piro ana i raro i ngā pou.
Otirā, i pēra tonu te tākaro a Hukanui, i whakatutuki i ngā piro e rua i mua i te wehenga rua i a Hohepa Monk, kia rua tekau mā rua ki te whā ngā tatau i te wehenga rua.
Ehara i te timatanga pai i te haurua tuarua mā ngā kapa e rua, he hapa iti i hua ake.
Ā, ko Tūrangawaewae tēra i whakawhiti tuatahi i te rārangi piro, kia whai ai a Eugene Davis i tana piro tuarua o te tukinga.
E rua ngā kaitākaro a Hukanui i whakatahahia, ko Robbie Edmonds te tuatahi.
Ahakoa i te ngaro tētahi o ō rātou kaitākaro, i whai piro tonu rātou.
Ahakoa i whai piro anō ngā kapa e rua, ko Hukanui i hua, me te wikitōria, he toru tekau mā waru ki te tekau mā ono ngā tatau whakamutunga.