E manahau ana a James Te Huna tōmua i tana whawhai atu ki a Nate Marquardt.
Kua kotahi marama a ia i Aotearoa nei e whakaporotū whirikoka ana i ngā parawhakawai, ā, i te rangi nei i rongo anō ia i ngā āhuatanga Māori.
I pōwhiritia te hunga UFC ki Aotearoa nei tōmua i te huinga whawhai UFC tuatahi ka tū ki Tāmaki Makaurau hei te Rāhoroi.
E heke atu ana a Te Huna ki te reanga middleweight, i whai wā anō a ia te hoki atu ki Tūrangi ki te noho tahi me tana whānau.
E ai ki te Tāhuhu Rangapū he huinga whawhai anō e āta titiro ana ki te tau e tū mai nei.
Hei āpōpō ka hui tahi ngā kaiwhawhai UFC me ngā kaitākaro me te kapa Warriors, e whakarite ana te kapa Warriors mō te tukinga ki te kapa Penrith Panthers hei tenei Rātapu ki Mt Smart.