E rima ngā kapa ka whakakanohi i te rohe o Tāmaki Makaurau ki te whakataetae kapa haka ā-motu mā ngā kura tuarua, arā Te Kura Wiwini, Te Kura Wawana.
He mea tū ki Tūranganui-a-Kiwa hei te paunga o tēnei marama, he momo whakahaere hou ō te whakataetae, ā, i te mea e rua wiki noa e toe ana, ko te whakatikatika te aronga nui o ngā kapa.
Ahakoa ko ngā ra hararei ā kura tēnei, mo ngā tauira o Te Kura Kaupapa ā rohe o Mangere kei te haere te wā.
Ko rātou tētahi o ngā rōpū e rima e whakakanohi ana i te rohe o Tāmaki Makaurau. Ka mutu, i tēnei tau kua eke anō te taumata o te whakataetae, i te whakaurunga mai o ngā puna whakataetae.
He wairua pai e rere ana ki Tāmaki. Kua renarena te taukāea o te whanaungatanga i waenga i ngā kapa kanohi, arā Ngā Puna o Waiorea, Te Rōpū Kahurangi, Kia Aroha, Taiohi Tātaki, Te Wharekura o Hoani Waititi me Te Kura Kaupapa Māori ā-Rohe o Māngere.
Ka tīmata te whakataetae kapa haka kura tuarua ā-motu hei te Rātu te rua tekau mā iwa o Hurae me tā Tamaki rohe whāinga, kia tū i te tū a Tānerore.