E kainamu mai ana ngā whakataetae kapa haka a motu mā ngā kura tuarua, ā, e hia nei ngā kura e whakaharatau ana kia rite ai mō te ekenga atu ki te atamira.
Ko te Kura Kaupapa Māori o Ngāti Kahungunu ki Heretaunga tērā, ā, ka kawe i te kōrero whakamutu i te mate whakamomori, kia kore ai tētahi tangata anō e ngaro pēra atu ki te pō.
He kaupapa e ngākau titikaha ana ki ēnei taiohi, he take ka kawea mai nei e rātou ki te atamira ki te Tairāwhiti hei te paunga o tēnei marama, kia rongo ai te motu whānui.
E hia nei ngā haora whakaharatau e toe ana kia whakatika ai ā rātou mahi, ā rātou waiata hoki, kia tāngia ai tō rātou pānui ki ngā mahara o te marea.