Ko te Kōhanga Reo me te Kura Kaupapa nga ara e whakatō i te ora ki te reo. He kitenga ēnei i puta ake i a Tatau Aotearoa ara e titiro ana ki te whanaungatanga ki te mātauranga reo me tana whakamahinga i roto i te Ao Māori.
I kōrero ake tā mātou karere a Heeni Brown ki tētahi whānau e whakatauira ana ēnei whainga.
Tūtaki mai ki ēnei tuakana teina, rua tekau tau te pakeke o Te Ataakura, ā, tekau mā iwa ngā tau o Te Aorere e whakatauira ana i tā Tatauranga Aotearoa e mea ana, he haurua o te Māori i whakaurua ki te kōhanga reo me te kura kaupapa Māori he pai, he pai rawa atu rānei ki te kōrero Māori.
Hei tā Te Aorere Pewhairangi, “I kaha whawhai ngā tipuna mō te reo ki te kore au e whai i tēnei whawhai he moumou.”
I tupu ake tēnei tokorua ki Te Kohanga Reo me Te Kura Kaupapa Māori o Mana Tamariki ki Te Papaioea. Iaianei, ko Te Aorere e whai ana i tāna tohu mātauranga pāpaoho māori i Te Kunenga ki Pūrehuroa. Ā, he kaimahi rāua ki Whakaata Māori nei. Ko Te Ataakura te reo matua o Dora Matātoa.
E ai ki a Te Aorere, “Ko tōku reo, tōku ao ā i pakeke mai au i te kura, ko Te Reo Māori i te kainga, kei ōku mātua te reo Māori i ngā kapa whutupaoro, pā whutupāori, ōku hoa.”
Ā ko Te Ataakura Pewhairangi tēra e mea ana, “Ko tētahi o ngā ture matua o te kura nei, o te whānau nei me mātua kōrero Māori me mātua kōrero Māori anake ngā mātua ki ngā tamariki ao noa pō noa.”
Kei ngā whārangi o tēnei ripoata, e whakaū ana i te hononga nui o te matatauranga reo Māori me tana whakamahinga ki te ao Māori. Ā, ko Te Ataakura e whakaae ana ki tēnā.
Hei tā Te Ataakura, “Ehara i te mea ko te reo ka kōrerotia i ngā wā katoa, engari i mōhio ahau e pupuri kaha ana ahau ki ngā tikanga Māori ki ahau nei, ki te whati ko tētahi tino tōtohu te waka.”
E mea ana tēnei tokorua, nō airani tō rāua māma, ā, ko te reo pākeha tōnā reo tuatahi. A, pēna e hiahia ana ngā whānau ki te ako i te reo Māori, ahakoa he aha, e taea ana.