Ka whakatūwhera te whare taonga o te Kamupene C o te Rua Tekau mā Waru ki Te Tai Rāwhiti hei ngā rua wiki, ko taua rā tonu te rā i ahu atu ai te ope tauā tuatahi, he ono tekau ngā tāngata te nui, ki te pakanga tuatahi o te ao, te kotahi rau tau ki muri.
Ki te whakahōnore i a rātou mā kua wehe, ka tū tētahi whakaari he ono tekau taitama māori o roto, ka mau i a rātou ngā kākāhu i takohatia e Tā Peter Jackson.
He uri whakaheke ētahi o ēnei taitama o ngā tāne i whawhai i ngā pakanga, ā, nā runga i te mau i ēnei momo kākāhu kua pūrangiaho katoa tō rātou titiro.
Hei ta Eparaima Soutar, "Tino pai te mau i ēnei kākāhu, tino wera engari i mau ōku tīpuna i ēnei kākāhu nā reira ka taea hoki e au.”
Mō te nuinga o rātou he aronga tuatahi tēnei ki te ao o te ope tauā. I runga anō i te mea he rua wiki noa iho kia tae mai te rā whakatūwhera he mahi nui kei mua i ngā kaihautū.
Hei te tekau mā rima o Whiringa a Nuku kā whakatūwhera te whare taonga rā, koinei te wāhi ka hīkoi ēnei ika i ngā tapuwae o o rātou tipuna, rātou mā i hono atu ki te Ope Māori i tau ai ki Gallipoli.