Ahakoa te pani me te rawakore o Te Tai Tokerau, he kāinga rangatira tonu ina tauritea atu ki ngā whenua e pokea ana e te mate Ebola.
Koinā tā te Āpiha Hauora o Te Tai Tokerau, tā Takuta Clair Mills e wehe atu ana ki te uru o Awherika ki te tautoko i nga mahi patu i taua mate weriweri.
Hei tā Clair Mills, “Ko te mutu i te mate ki Awherika tonu te ara hei patu i a ia, ā, e tika ana mā tātou tēnā e hāpai. Pēnei i Te Tai Tokerau, he whenua pōhara tērā, nā reira taku hiahia nui ki te āwhina.”
Kua mahi kē a Clair i enei momo mahi ki Awherika, Sri Lanka, Papua New Guinea me Hōrana, nā reira kua tohua ia e te rōpū Doctors Without Borders hei kairuruku i ngā rongoa mō a rātou na mahi katoa i te whenua o Sierra Leone.
Ka wātea mai a Clair i tana tūranga mahi I Te Tai Tokerau mō te toru marama hei whai atu i tēnei kaupapa. Horekau hoki ōna āwangawanga kei pāngia a ia e te mate Ebola.
Engari hei tāna ki te aru i ngā tikanga tūpato kua oti kē te whakatakoto mō taua mate ka hoki ora mai ia ki te wā kāinga.