Mai i Te Hiku o te Ika ki tā Maki ipukura, ko te tūpāpaku o Eru Thompson i whakaokiokitia e te tini ngerongero ki tōna marae, ki Makaurau i te ahiahi nei.
He manapou, he manatawa nō ngā kāwai whakaheke o Waikato-Tainui, o Te Kawerau a Maki, o Te Ākitai, o Ngāti Te Ata me Ngāti Mahanga i riro atu i te hohipera o Tāmaki Makaurau i te ahiahi inanahi.
He kanohi kitea, he mana nui, he rangatira, ā, e ono tekau mā toru ōna tau ka katohia tōmuatia e te ringa kaha o aitua. Koirā ngā kōrero a ōnā hoa-whanaunga i te rangi nei.
I whai mana a ia hei tohunga, hei kai-pupuri i ngā hītori o Waikato-Tainui, ā, i whāia rawatia a ia e Tāmaki Makaurau whānui mō ana kupu-tohutohu, pukenga, mātauranga hoki.
I runga anō i taua mana ōna, i whai wāhi ia ki te tira takahi i te whare o Whakaata Māori, ki te mahi tahi hoki ki Te Arikinui, ki a Te Ataairangi Kāhu.
Ā te Rāhoroi ka tanumia te tūpāpaku o Thompson ki te ruakōiwi o ana mātua tupuna ki Pukaki Urupa.
E kara e Eru, haere okioki atu rā ki ō tāua mātua ki ō tāua wheinga.