“Ko ia pea te kairaranga i ngā iwi katoa ki raro i te Kingitanga me ōnā matāpono katoa.”
Nei rā ngā kupu whakamarama a Tukoroirangi Morgan mō Eru Thompson, ka riro ki te ringa kaha o aituā i ngā rangi tata nei.
Hei tā Te Warena Taua, “He rite anō ngā rangi kua pahure ake nei, ā, i tae mai tō tātou Kīngi, ā, te Kuini o Rarotonga ngā rangatira nunui o ngā motu ngā rangatira o ngā motu ngā rangatira o ngā iwi katoa i tae mai ngā waka ngā hapu te tini me te mano me kī kua tino rangatira mātou marae, kua tino rangatira tōnā whānau i te taenga mai o te tini.”
He tangata i arohatia e te tini me te mano. Kāore e kore ka mokemoke marika mōnā.
Hei tā Te Warena Taua, “Ma wai e whakakii i te kōhao ka waiho mai e tēnei rangatira? Koinā hoki te pātai i pātaihia ō tātou mātua tūpuna i te maha o ngā tau kua pahure ake nei mō rātou e tū rangatira i te papa me kī.”
E kara, e hoki koe ki ō tini mātua kei roto o Pūkaki, ki reira tukuna kia haere koe ki te hono i wairua okioki atu rā.