Muia ana a Vector Arena e ngā korokoro tūī, e ngā kanohi kitea hoki mō te pō tohu puoro o Aotearoa. He taumata tēnei i whai waahi nui ai te tini o Ngāi Māori ka kōharingia, ka tuku tohu atu rānei.
Ngā tohunga pūoro whakahirahira, ngā waiata whakahirahira, e hira mai nei ko ngā taonga puoro mo te tau rua mano tekau mā wha.
Ki te wāhanga mō te kōpae Māori o te tau, arā ngā tikanga Māori i kitea, i rāngona. He tohu kei te aronuitia ō tātou tikanga i te ahurea auraki.
Ko te tini me te mano kua tae mai nei, he tirohanga waiwaia, koia ko Rob Ruha e whakamāori nei i tōna tirohanga.
Ko Lorde te tohunga e mātua mōhio nei e te ao katoa, wheoi, nā te uri Māori a Stan Walker i eke mo te taonga kōwhiria a te iwi.
Nā Tama Waipara i whiwhi te taonga akakiekie.
Ko te tāonga nui o te pō, ko te Kopae Māori o te tau, wai ka hua? Ko Te Whare o Hema? Ko Tama Waipara, ko wai ka hua? Ko te uri o Apanui Ringamutu, ko Rob Ruha.