Nō hea rawa ka whakaaro a Kelly-Jo me tōna hoa rangatira a Albert Kiripatea nō Maraenui ka tāea e rāua te hoko whare, engari, kua whakatutukihia taua awhero nui. Kei te hanga tētahi perehana miharo rawa, ara, he whare hōu mō rātou me a rāua tamariki.
Tūtaki mai ki te whānau Kiripatea, ko Kelly-Jo tēnei rāua ko tōna hoa rangatira a Albert, me ā rāua tamariki tokoono. Ākuanei, ka uru atu tēnei whānau pukumahi ki tō rātou ake whare hōu.
Kei te neke rātou mai i tō rātou kainga o mua, e toru ngā ruma te rahi, he haukū, he makariri, ki tētahi whare e whā ngā ruma te rahi, he marutau, he mahana, ki Maraenui.
Kei te whakatūria tēnei whare e tētahi hōtaka hoko whare nā Habitat for Humanity, he rima rau haora i whakapaua e ia whānau ki te hanga whare me ētahi atu anō whare, ka mutu, ka utua e rātou he kongakonga moni kia ea rā anō i a rātou te utu nui.
He ono wiki noa te roa kia hanga whare pēnei, otira, mā whero, mā pango ko te tumanako ka oti ai te mahi ki mua i te wā Kirihimete o tēnei tau.
Ka mahue iho i tēnei whānau ōna tau tekau mā ono tekau e utu reti ana, ā, ka whakatau ake ki tō rātou te whare hoko hou.