He whiu oranga roa mā tētahi ika o mua o te tauā o Ahitereiria, mōna i kōhuru i a Tony Williams, he uri o Ngāi Te Rangi, he kaitaurima i ngā karapu kanikani o te One Kura.
I kitea te tūpāpaku o Williams ki tōna whare e toru tau ki muri, whai muri i te haupatutanga ōna ki te hama.
Ko ēnei whakāhua anake ngā waihotanga mā te whānau o Tony Williams, engari e ai ki tana Māmā kua ea te whiunga o te hara.
Nā te kāhui whakawā ki te Kōti Matua o Piripane te whakawhiu ka mauhere a Matthew Cox, he rua tekau mā whitu tau te pakeke, mō te roanga o tōna oranga.
I rongo rātou i te tau rua mano tekau mā tahi me tētahi hama patu ai a Cox i a Williams i tōna kainga i Mermaid Waters.
I whai wāhi atu mātou o Te Kāea ki te whare o Kiriwaitai raua ko Whanake Williams i te rā Kirihimete, e rua rā whai muri i te kōhurutanga. I taua wā haehae ana te ngākau, ā, ūhia ana te whānau e te kapua pouri.
I tae atu ngā mema whānau rua tekau ki Piripane mai i Tauranga Moana mō te whakawā, hei tuara mo Kiriwaitai rāua ko Whanake, a kua hikina te taumahatanga i a rātou.
Ahakoa kua ngaro atu ki tua, ka noho a Tony ki te pae o mahara mō tona whānau.