E ono ngā waka hourua nō ngā pito katoa o te Moananui a Kiwa i tau mai ki te tātahi o Okahu ki Tāmaki , e whakanui ana i te whakakotahitanga o ngā moutere.
Kō ētahi o ngā waka hourua i whakatere mai Ahitereiria, kātahi ka tae pai mai ki Aotearoa.
He tata ki te toru tekau tau nō te ūnga whakamutunga o aua waka ki te tātāhi o Okahu.
He āhuatanga kua whakatangatawhenua ki roto i a Hekenukumaitawhiti Busby. "Heoi anō rā ka hoki ngā mahara ki tō rātou taenga tuatahi mai i te tau 1985, koira i mea mai aua rā, tini ngā mahi i huri i roto i au."
E ai ki te uri o Te Aupouri a Stanley Conrad tētahi o ngā kaihautu o te waka Hawaiana a Hokule'a, ko ngā mahi waka kei roto i tana toto.
Hei tā Stanley, “I te taima e tamariki ana au, e mahi ana au i runga i te waka o Ngātokimatawhaurua, ki te taha o toku nei papa, me Hekenuku mā, me ēna kaumatua, nā ka wehe atu. I reira ka timata tōku kaupapa waka, engari ki te kaupapa waka haurua, i timata i te wa i Waitangi te waka o Hokulea.”
Hei tā te Māori Hawaiana a Ka'ohinani Kamalu he take nui te tuku i ngā matauranga ki ngā uri whakaheke.
Ināianei ko a rātou whainga he whakamohio atu ki te iwi i te hiringa o te moana.