Neke atu i te rua rau ngā mētara kua whakawhiwhia ki te whānau King mō ngā whakataetae waka ama-a-motu, ā-ao hoki.
Ko te metara rauwhero i riro i a Tupu King mō te rēhi takitahi tāne ki whakataetae o te ao ki Rio De Jenero tētahi o ngā tino mētara.
He rite tonu tā rātou whāinga hōu ki ngā tau kua hori, arā, kia whakawhānui ake ngā mētara hōu ki te kāpata taonga.
E mōhio hoki ana ngā tamariki King, nā o rātou matua ēnei pūkenga i taka mai ki a rātou, ko tō rātou māmā a Nyree te toa takitahi Senior Masters o te ao, ko tō rātou papa a Dave te toa takitahi o te whakataetae rēhi roa o te motu.
Hei tā Nyree King, “Te whakapeto ngoi, me te tautoko i ā māua tamariki ahakoa te aha.”
Ko te manako o te whanau King, nā a rātou pukumahi me te hiakai kia eke panuku, ka whai hua anō ki te whakataetae ā-motu e haere ake nei.