Ka tākaro te hautipua whutuporo takiwhitu wāhine a Honey Hireme mā Tainui i te Tauwhāinga Whutupaoro Takiwhitu Iwi Taketake ka tū ki Kēmureti hei tēnei mutunga wiki.
He whakataetae e whakatairangatia ana e te poutaha Ōpango nei, e Liam Messam.
Hei ēnei rangi okioki ka tākaro a Honey Rireme mo te waka o Tainui.
Ā, ahakoa te nui o ana mahi i te tau nei, ka whai wāhi tonu ia ki te whakaharatau, ko tana mahi me Life Unlimited e hāpai ana i te hunga hauā.
Kei te kaha ū a ia ki te tauwhāinga e kainamu mai nei, ka tū ia hei kaitakaro mō Tainui Waka, hei kaiako hoki mō Tūhoe.
Nā te poutaha Ōpango nei a Liam Messam te tauwhāinga takiwhitu manawanui nei.
Ko tā Liam, ko te whāinga he whakatipu i te hākina nei, hei te rua wiki e heke mai nei ka kotahi atu a Honey ki te parawhakawai tahi me te kapa o Aotearoa.
Engari mō naianei, ko te whakapeto ngoi te mahi mō ana kapa hei ēnei rā whakatā