Kei te tātāngia a Ngāti Whātua o Orākei, iwi o Tāmaki Makaurau, nā tā rātou tono kia aukati i tētahi wāhanga o te whanga Okahumatamomoe, i te ara whai rawa o Tāmaki Drive mō te rā kotahi, hei whakanui i ā rātou tamariki mokopuna hei tēnei Rāhoroi.
Ki tā te iwi kei a rātou te mana motuhake o taua whenua, i whakahokia ki a rātou i raro i tā rātou whakataunga kereme.
He wāhi tēnei kei raro i te mana whakahaere o Ngāti Whātua o Ōrakei rātou tahi ko te kaunihera o Tāmaki Makaurau. Ko tā te heamana tuarua o te tarahiti o Ngāti Whātua o Orakei, a Ngārimu Blair, kāre he rerekētanga o tēnei hui i ērā kua tū kē ki taua wāhi i mua.
Hei tā Piripi Davis o Ngāti Whātua, “Pōhēhē au, nātema mēnā he Pākeha ahau ka tono atu rite tonu ki te Māori. Engari ko te Māori kia tono atu kia puta atu, e ki nei, ka tū te puehu.”
E matapaetia ana, e rima rau ki te kotahi mano ngā uri whakaheke ka whakarauika atu, engari he hui pakupaku tēna ki ngā hui maha i haere i taua waahi i ngā tau. Ka aukati te hunga te uru atu, mai i te iwa karaka i te ata tae atu ki te toru karaka i te ahiahi. Engari, kāore rātou i te aukati i ngā tāngata te whai wāhi atu te kauhoe anō hoki.