Kua karangahia e Te Kotahitanga o ngā Whenua o te Ao, kia tukuna he rōpū whakaoranga tangata nō Aotearoa ki Nēpōra a te pō nei.
Heoi he iti iho i te rua tekau mā whā haora noa i tukuna ki ngā rōpū nei kia whakakotahi, ā, kei te pau haere te wā kia whakarite.
E kume ana i o rātou tōkena me a rātou pūtū ki runga.
E ai ki ngā tatauranga hou kua puta neke atu i te toru mano rua rau ngā tāngata kua mate whai muri i tētahi rū whenua whitu ira iwa ki te taone nui ki Nepal.
Tērā te wairua āmaimai e rere ana mō tētahi whānau Māori e tatari ana mō tētahi karere mai i tō rātou tuakana i Nepal mō tētahi hararei piki maunga.
Kātahi ka māmā te ngākau i te wā i rongo rātou i tāna reo.
Hei te poupoutanga o te marama ka wehe atu ngā kaipatuahi me ēnei rauemi ki roto i ēnei pouaka mā runga waka rererangi, tuatahi atu ki Singapore kātahi ka tae atu ki Kathmandu ki Nepal.