He nui ake i te tekau tau te iwi o Ngāi Takoto e whakapau werawera kia whakahouhia te marae o Waimanoni.
Hei tā Akinihi Paraone Mete, "Ngā kaumātua i te pakanga. Ka hoki mai na ka mea ngā kaumātua i konei kua Wikitōria mātou i a koutou. Nō reira te marae nei e tū nei, ka Wikitoria tātou katoa. I tēnei ra te nui o te aroha ki a rātou."
I muri tēnei i te whakatūwherahanga o te wharekai " He Au Tōna" hei kaitiaki hei kaimanaaki i te tini me te mano.
Hei tā Tame Kahiti Mare, "Na, He Au Tōna, koia tena te ingoa o to tātou whare, Te Au. Na ko te wharenui ko Wikitoōia. Na i ahu mai tērā kōrero a Wikitōria i ahu mai i te Hokinga mai o ngā hōia.”
He rā tēnei e aroha ano ai kia rātou i tu nui ki te ao kua whitinui ki te po. Me te hangai ano o te tirohanga ki nga whakatupuranga e pumau tonu ai te kōrero "He iti pioke nō Rangaunu, he au tona."
Hei tā Kaio Rivers, “Kei ngā mokopuna - ko ngā mokopuna ngā mea e kī ana ki au anō i taku ngakau, kaua koutou e ngaro. Hoki mai koutou hoki mai koutou iaianei ko tōu wharenui hoki tēnei tōu whare hōu mō tātou katoa nē.”