Nā Ritana i kapo ake i te taitara whakaihu waka mō tō rātou rohe whai muri i te whakataetae kapa haka kura tuarua mō Te Tairāwhiti i tū inanahi nei ki Tūranga.
Kua tae ki te mutunga mō tēnei kapa toa.
Hei tā te kaitātaki wahine o Ritana, a Ahi Waata-Amai, “I ētahi wā, kaore he pai te haere engari i ū mātou ki te kaupapa koinei te tohu mō tērā.”
Koinei te take i kapo ake ai rātou i te tūnga whakaihu waka mō Te Tairāwhiti.
He kaiako hou, kai-haka hou koinei te ahua i tau ki runga i a Ritana i te wā i uru rātou ki roto i tēnei whakataetae.
Engari ko te waiata i whakakotahi i te kapa ko te waiata i titohia mō Rawinia Te Kani.
Ki tā te kaitātaki tāne o Rītana, a Moeau Stewart, “Nā tō tātau kapa anō hoki tētahi o a tātau tama tāne, tētahi mokopuna a Rawinia nā ngā i tito te waiata, nā ngā hanga te rangi, nā ngā whakaako ki a mātou, nā ngā anō hoki i kōrerotia e pā ki tōna kuia ki tōna haerenga, ōna mokemoketanga ki a ia anō.”
E toru ngā kapa ka haere i tēnei rohe ki ngā whakataetae ā motu. Tuarua mai ko Te Manawa Tahi he tūhonotanga tēnei ki waenga i a Horouta wānanga me Te Kura Kaupapa Māori o Ngā uri a Maui.
Tuatoru mai ko Te Kura Kaupapa Māori o Kawakawa Mai Tawhiti.
He rōpū ēnei hei aronga mōu i te whakataetae kapa haka kura tuarua ka tū hei te tau e haere ake nei.