He whakangungu te mahi a Maia Wilson i te ao, i te pō, i ngā whakangā i te kura anō hoki.
E taka mai ana ngā hua, kua whakaīngoatia te kaitākaro, tekau mā whitu ōna tau, ki ngā whakamātautau o te kapa Rarauwhe Hiriwa i tēnei marama. Ko ia hoki te kaitākaro rangatahi rawa atu. Koinei tana ekenga tuatahi ki ngā whakamātautau pēnei.
Ko Maia anake te kaiwhakamātautau kei te kura tonu, ka whakataetae ia ki ngā toki kaikuru o Aotearoa e aru tūranga ana ki te kapa Rarauwhe Hiriwa ka haere ki te tauwhainga New World Netball Series, ki te Ipu o te Ao hoki hei te marama o Here-turi-kōka.
He wiki nui tēnei mā te uri o Ngāpuhi, i te Rāhina kua taha ake nei nānā tana kura, a Mt Albert Grammar, i āwhina kia wikitōria i te taitara kāreti o te motu.
Hei te rua tekau mā iwa o ngā rā o tēnei marama ka tīmata ngā whakamātautau.