'Te Moemoeā o Murupara' kōia ko te ingoa o te pakipūmeka e whakaatu ana i te wawata nui o tēnei taone tuawhenua kia rapu i tētahi oranga mō ngā rā kei tua.
Tērā te marama e tiaho mai ana ki runga o Murupara! Mō te kotahi mano, ono rau tāngata, koinei tō rātou kāinga.
Hei tā Jack Tupe o Ngāti haka Patuheuheu, "He pai tēnei kāinga."
Koinei te whakaaro kua kapohia ake ki te pakipūmeka a te rōpū kiriata Bates, mō te moemoeā o Murupara. Ko tētahi o ngā whetū, ko Te Akauroa Miki.
Ko te whakarerekē i ngā whakaaro ki ngā taone iti pēnei i a Murupara te whāinga.
Mō te hunga kāinga tonu, he whakaatu rā i ngā āhuatanga pai o te taone te hua.
Mō te hapori tonu me rātou i whai wāhi ki te pakipūmeka, ka huraina te whakaaturanga hei tēnei Rāmere ki te whare karapū whutupōro o Murupara.