He pakanga nui kei te haere i te tukinga a ngā New Zealand Barbarians ki te kapa Ōpango Māori ka mutu, e ai ki ngā kaitākaro Māori o te kapa Barbarians ka whakapeto ngoi rātou mō te hemo tonu atu.
Hei tā Toiroa Tahuriorangi ka whakawhīti te hanga tākaro a te kapa New Zealand Babarians i runga i te mōhio i uaua te tākaro a ngā Ōpango Māori ki a Whiti i tērā wiki.
Hei tāna anō ka utua ia te wero ki te haka. Kua kore anō a Brad Shields e noho whakamā ki te tuku i te haka.
I tērā tau i tākaro ngātahi a Ihaia West me te kapa Ōpango Māori, hei ēnei rangi okioki ka tū hoariri ia ki tana tira o mua.
Mēnā rā he tangata e mārama kehokeho ana ki te tākaro a te kapa Ōpango, kāore he tangata i kō atu i a Ihaia West.
E rikarika ana a Tahuriorangi kia tuki rae ki te rae ki āna hoa tata a Otere Black rāua ko Shaun Wainui.
Ka whakaīngoatia te āro-a-kapa New Zealand Barbarian āpōpō.