Tērā te whakahau a te Pirimia, kua tae ki te wā kia tīni i ngā ture e whakahaere nei i te Pā Whakamarumaru me te GCSB. I tēnei wā tonu, kei te aromatawaitia ēnei tari kāwanatanga e Tā Micheal Cullen rāua ko Kahurangi Patsy Reddy. Ā, e tautoko ana te Pā Whakamarumaru i te karanga a John Key me tā rātou mārama hoki, e tino hiahia ana te iwi whānui kia mārakerake te māramatia o ā rātou mahi.
He kaupapa nui, ēngari, kāore te Pirimia, mō te ngau i tana arero. He mārama te kite, kaore i te whai hua ki tēnei ao hurihuri.
Kei te kōrero ia mō ngā ture, e hāngai ana ki te Pā Whakamarumaru. He kaupapa tēnei kei te aromatawaitia e Tā Micheal Cullen Rāua ko Kahurangi Patsy Reddy.
He kiko tā te whakahau, kua tīnihia te ture mō te Pā Whakamarumaru.
Kua whakahau te Ringatohu o te Pā Whakamarumaru, kei te kaha karanga te marea, kia whai wāhi rātau ki te marea, ā, kei te whakae te tumu, ka pērārā.
Hei tā Chris Finlayson, "Kei te whakaae mārika au. Kua nuku te tai, i tōna wā, ko te whakaaro i ngā rōpū nei, ki te huna i te tini o ngā kōrero, engari ināianei, ko te whakaaro ia, ki te māhora kōrero ki te tini, mēnā kāore aua kōrero rā e whakararuraru i o rātau mahi."
Ēngari kāore te minita mō te ruku pokanoa ki te tīni i te ture.
Ēngari hei tā Reipa, kua oma kē te hoiho.
Ka puta ngā hua o te aromatawai, i ngā marama, kei mua i te aroaro.