E rua ngā tau ki muri i kainga ngā whakapōauau e Reilly Brown nō Te Matau a Māui.
Engari, i tēnei wā kua patua te ngārara, nā, ka whakataetae tahi ia ki ētahi o ngā toa i te atamira o te ao i Natural Olympia i Las Vegas.
Mīharo katoa ana a Reilly Brown i te mōhio kua whai wāhi ia ki te whakataetae Natural Olympia.
E rua noa iho ngā tau ki muri i hīraua ia ki ngā whakapōauau me te waipiro, engari kua makere i a ia ngā here o taua ao kino.
He maha ngā taitara o te motu kua riro i a ia i roto i ngā tau, hēoi, kei te kite nā te ūpoko pakaru tēnā i ea.
Ki te eke ia ki te atamira o te ao, me whakatika ia i tōna tū kia whakataetae tahi atu ki ētahi o ngā toa ōnaianei.
I tēnei wā he tangata whakapōauau kore ia, ā, hei te tekau mā rua o Whiringa-a-Rangi ka tau atu ia ki Las Vegas mō te whakataetae e toru ngā rā te roa.