Me heke iho a John Key hei māngai mā te rōpū whakahē i te tūkino wāhine. Koirā tā Marama Davidson o ngā Kākariki, whai muri i te mahi a te Pirimia i tētahi whakapaohotanga, i whakapūhohe i te mahi pāwhera.
Hei tāna, "Ko te huarahi tika, me haere ia i tēnei tūranga o te kaupapa white ribbon. Kei a ia tēnā, kei a ia te mana ki te haere atu, nō reira ae me mahia."
E karanga atu ana te rōpu arataki mōtika mō te hunga whakawahine ki rō Whare Herehere ' No Pride in Prisons' kia puta i a te Pirimia he whakapāha. Ā, e whakaae ana a Marama.
“It's time for John Key to support and apologise to all victims of rape. To be a champion for them and condemn such action,” added Davidson.
Ehara tēnei i te wā tuatahi kua rarua te Pirimia e ngā hākoakoa kino ki runga reo Irirangi, whērā i The Edge, i werohia ia ki te haukume ngētehi here makawe, te waiata rānei i tētehi waiata nā Mariah Carey, ara, All I want for Christmas.
Hei tā Kaiārahi Takirua mō te Pāti Māori, me mātua whakaarohia ngā reo irirangi i a rātou kawenga whakangahou ki te hunga whakarongo.
Hei tā Fox, "Ehara tēnei i tētahi mea hei whakakata i te tangata, kei te hē rawa atu tā rātou kōrero, kei te hē rawa atu rātou o te reo irirangi."
I tīmata tētehi petihana i tērā wiki, kia heke iho te Pirimia hei māngai mō Rīpene Mā, he tekau MANO ngā tāngata kua hainatia i tēnei wā.