Ahakoa ko ngā whiringa toa me nga mētara koura te aronga matua o ngā kaihoe i te whakataetae Waka Ama ā-motu ki Karāpiro i tēnei wiki, he whāinga atu anō mā ētahi, kia whai wāhi atu ki te kapa matua o Aotearoa ka haere ki te whakataetae a ao ki Ahitereiria hei te Haratua.
He tuatahitanga tenei kia whakaingoatia nga kapa matua o Aotearoa āpōpō. He kapa ēnei ka whakataetae atu ki te tātāwhāinga hou o te whakataetae a ao I tenei tau. Ka pakanga atu rātou ki ngā toa o whenua kē engari ehara I te mea he whakaritenga māmā ēnei.
I ngā kaihoe e eke panuku ana i te wai, e āmaimai ana a Maika Nuku ki tohu i te tira hōu.
Hei tā Maika Nuku, Kaiako Tāne Matua, "Ko te mea tuatahi ko wai ngā kaihoe koina te mea uaua i tēnei wā, e rima marama i whakapeto ngoi ngā kaihoe i runga i te wai i roto i te whare tīnana kia whakaatu i o rātou pūkenga kaha hoki."
Tata ki te toru tekau o ngā kaihoe toa o Aotearoa e whakataetae ana, engari tekau mā toru noa ka tohua.
He mahi uaua anō hoki te whakarauika i ngā kaihoe toa o Aotearoa, tāne mai, wāhine mai, ki te whakaharatau.
Heoi ahakoa nga whakapatari, e hīkaka tonu ana ngā kaiako me ngā kaihoe i te kapa hōu.
Ko tā Nuku anō, "Nā tēnei momo ka whai mana tō tātou hākinakina i te ao hākinakina whānui ehara i te tīma nā tētahi kōwhiri i ngā kaihoe koinei ngā tino kaihoe o te motu."
Me te whāinga kia kotahi te hoe.