Ko tā Clyde Graf, he kaitotohe i te whakamahinga o te 1080, tērā ngā mahere e whakaatu ana, i ruia kē ngā ngahere me ngā arawai o Kohukohunui ki te paitini nei. Heoi ko tā te Kaunihera o Tāmaki Makaurau ko te ruirui i te matū rā, te tino āhuatanga hei patu i ngā kīrehe e poke nei i tēra tautapa o te tonga.
Rua tekau ma tahi mano heketea te rahi o te whenua o Kohukohunui, ki Hunua, i ruia ki te paihana 1080.
I tautoko te manawhenua i te mahi nei. Hei tā Tipa Compain ko te whakamate atu i ngā nanakia e patu nei i te ngahere te kaupapa.
E ai ki te Kaunihera o Tamaki Makaurau kaore te paihana 1080 i muia ki nga waahi wairere o Hunua.
E ai ki a Clyde Graf kaiwhakahe i te paihana 1080 e ai ki te mahere rere ae marika i muia hoki nga waahi wairere.
E matapae ana te Kaunihera o Tamaki Makaurau hei nga tau e toru e tu mai nei ka ruia ano te ngahere, a, e whakapono ana ratou arā ngā hua o roto i tēnei mahi.