Ko te ingoa o Te Puru o Tāmaki i ahu mai i tetahi o ngā whare tawhito o Ngāti Whātua o Ōrākei i tu ki te whanga o Ōkahu. Kā tū maia tēnei kapa ki ēnei whakataetae e whakahāerehia ana ki roto i tā rātou ake rohe.
I tērā marama i whakanuia e rātou tētahi wā tino whakahirahira mo te hitori o te iwi, ara ko te tū māro o te hau kainga ki Takaparawha i a te karauna e whai ana ki te tango i taua pito whenua, he rima rau mā whitu rā te roanga o tā rātou nohonga poroteehi ki reira.
I tēnei tau ko te Kaitātaki Tane ko Graham Tipene, ko te Kaitātaki Wahine ko Fiona Smith. Ko ngā kaiako o te kapa ko Ken Kerehoma, Carlin Shaw, Michael Steedman, Graham Tipene rātou ko Fiona Smith.
Anei tā rātou Haka, ko 'Te Kairuki' na Joe Pihema i tito e whakamarama atu ki te marea te ito o tēnei kapa me te hononga o ngā mema ki ēnei whēnua.