He māmā takitahi kei te tohe kia utua ake te rima mano tāra e te pāpā o āna tamariki tokorua hei whakaea i te wāhi ki a ia. E waru tau ia e kimi whakautu ana i te Tari Tāke he aha i pēnei tonu ai te āhua o ngā utunga, ā, tae rawa mai ki tēnei wā, kāore tonu he whakautu, he pūtea rānei.
Hei tā tēnei māma a Skye Stirlin, me tīni te punaha a IRD mō te putea turuki tamariki.
“Ko te tino raru mena ka tae atu tera tamaiti ki tona pakeketanga tekau ma waru ka pēhea taua pire? Ka whakakorengia. Kaore ratou I te whiwhi aha. He pouri rawa tena.”
I kaha waea atu a Skye ki te Tari Tāke mo nga tau e waru kua hipa ki te kimi whakutu he aha ia e kore ai e whiwhi ki te $29 tāra ia marama mo āna tamariki, te $5000 kaore ano kia utua hoki.
“Ko tā ratou me waea mai a tera marama, tatari mo nga marama e toru katahi waea mai na te mea kaore tatou e taea te whaki atu he aha nga neketanga. Kaore ratou i te paku whakaaro I te paku awhi i au ki te whiwhi I tenei putea ahakoa kaha atu au ki te hoatu tona nama waea, tona wahi kainga, tona wahi mahi kei te tatari tonu au. Me pehea tera punaha. Kaore i te tika.”
I timata a Stirling te rōpū Pukamata "Save our Seeds" i te Rāhoroi. Kia korero ngātahi nga matua pena i a ia ki te kimi hua mo tenei raru.
“Mehemea ka whiwhi koe i etahi whaina tetahi tikiti ranei kei a koe 28 nga ra hei utua i taua tikiti. Mena kaore koe ka utua i tera tikiti, mehemea kaore koe e utua i tera tikiti haere tera tikiti ki nga kooti. E hiahia ana au ki te kite i nga ture orite ki tera o nga tikiti kei a koe rua tekau ma waru nga ra ki te utu i o putea tautoko i o tamariki."
E ai ki a Skye, tēra tētahi māmā i whakarere i tana whai whakauru i te Tari Tāke, whai muri i nga tau maha e aruaru ana i a ratou. Kaore tahi he putea i whiwhi mo nga tau tekau ma waru o tana tamaiti.
“It's not about being greedy it is not about wanting thousands of dollars because I don't want that. I just want what I am owed and every other parent that is owed money that's working hard to support their children they should get what they're owed.”
I tono a Te Kāea ki te Tari Tāke i tēnei ahiahi, engari kei te tatari tonu ki tā ratou whakautu.