He mahere rautaki tā tētahi kairīki rongonui o-mua ki riro i a ia te maha o ngā pōti mo te rohe o Te Tai Hauāuru ā tēra tau nā runga i tōna ingoa. Ko Howie Tamati te kaitono hou mo te Pāti Māori me te manako ano, kia hoki te tūru ki raro i tā rātou mana whakahāere.
He nanakia mau menemene me te whakapono ka whakahoki mai ia i te tūru ki te Pāti Māori.
Hei tā Howie Tamati, “I've got to put a game face on, I'll work hard, i'll play hard and Adrian is up for a fight.”
He rongonui hoki ia i te āo hākinakina ka tuki atu ki te mema o te pāti Reipa a Adrian Rurawhe, koia tēra kua toa i te tūru mai ano i te tau ruamano tekau mā whā. Heoi ano e ai ki te Pāti Māori, nā runga i te rongonui o Howie Tamati, ka hoki ano te tūru o Te Tai Hauāuru ki a rātou, mai ano i ngā whakahāeretanga a te kaiarahi takirua o-mua a Tariana Turia.
Ko tā Howie Tamati, Ngati Mutunga, “The key one is to win it back. I was very proud of Tariana Turia when she crossed the floor and I've watched the Māori Party and I see where they're positioned now and I think it's a great opportunity.”
I tū te hui ki Otaki i te putanga o te karere ka toa i a Tamati te tūranga kaitono i runga ake i a Debbie Ngarewa-Packer.
Hei tā Tukoroirangi Morgan, “Me pukumahi a Howie Tamati kia toa ai mātou te pāti Māori i tēnei tūru. I riro i a Tariana Turei i tēnei tūru e whia ngā tau kā mutu kotahi te kaupapa o te Pāti Māori kia whakahokia mai tēnei tūru o Te Tai Hauāuru.”
He kanohi e mōhio whānuitia ana i roto i te kapa Kiwi, he Perehitini hoki mo te umanga o Aotearoa Rīki. I a ia hoki te turanga i te kaunihera a-rohe o Ngāmotu mo ngā tau tekau mā rima engari i rongo ia i ngā wero nui o te wā.
Ko tā Tamati, “There's no real engagement in the local government. It's very difficult to get elected into a position on the local council, I know that for myself and own experience. I only just got in even with my profile.”
Inaianei he mahi nui kei mua i te aroaro mo Tamati ki te whakakaha i tā rātou pāti mo te tau kei mua.