Ākuanei oti ai te whakataetae poitūkohu mā ngā kura tuarua ki Te Papaioea, ā kua kitea e ngā tīma ngā piki me ngā heke.
Waihoki, kua whakaāwetia e ngā kura Māori te hapori poitūkohu i tae atu ki te Tauwhāinga o Manawatū.
Kua eke ngā kura pēnei i a Manukura rātou ko Te Kura o Mauao, Te Kura Kōkiri me Ngā Taiātea anō hoki ki te taumata.
Hei tā Te Arahi Maipi, mātanga hākinakina, “[Ko] rātou e whakapātaritari atu ki ētehi o ngā tino kapa nui, ngā kura nui o Aotearoa.”
I hinga ngā kura toa pēnei I ngā taitamatāne o Te Papaioea I te timatanga o ngā whiringa koata kit e kāreti o Rangitoto
“Ka aroha ki a rātou kua pāmamaetia, ko te taitara kua mahue i a rātou. He kino kē tēnei hākinakina,” Nā Zico Coronel, kaiwhakapāho poitūkohu.
Rangatahi mai, tamariki mai, kua tae mai te tokomaha o ngā tāngata ki tautotoko I a rātou tīma.
Hei tā Karma Skilton-Roberts, kaitākaro mā ngā Kahurangi ki Maungawhau, “Ko tēnei te tau tuatahi kua tae mai te tino katoa o to mātou nei rōpū. Nā reira, mōku noa iho, ko te mea painga kua tae mai te katoa.”
“Tino hīkaka ana te ngākau i tēnei wā, arā, ko to tātou nei whāinga, kia pai i te orokohanga o tō tātou nei tōnamana,” nā Mikaere Koroheke nō Ngā Taiātea.
Ko te whetū o te tōnamana nei ko tēnei uri nō Te Whānau-a-Apanui, e whakapono ana te tokomaha ka tākaro ia ki America a ngā rā ki tua
Nā Coronel, “Ko tētahi pāinga o te tōnamana nei ko te tākaro a Charlisse Leger-Walker, nāna nei i kawe i tōna tīma, i a Ste Peters.”
“E ai ki te nuinga, koi a tērā e eke ki te whakataetae WNBA,” nā Maipi.
Whaimuri i tēnei tātāwhāinga, ko te whāinga matua ma ngā kaitākaro toki kia whiriwhiri rātou mo te kapa o Aoteaora I raro I te tekau ma whitu tau te pakeke.