He whakapaipai i ngā māhuetanga o te āwha te mahi a ngā kainoho ki Ngongotaha whai muri i te hekenga o te ua, kotahi rau miromita te hōhonu, i whakatahia ai te toru tekau kāinga inanahi. Kua tae mai a Keith Pedersen ki te awhina ki te whakapai i te whare o tōna tungāne, kua toru tau e noho ana ki konei. Hei tāna, “kei te aroha rā, na runga i te horo o ngā tahataha ki te awa o Ngongotaha, kāre e tāea pea”.
Nō nanahi nei i horo ngā tahataha o te awa o Ngongotaha, pakaru ana te wai ki ngā whare. Atu i tōna kainga i kite a Steve Brake i te wai e rere nei. “Whakatikahia te awa, i ngā marama ki muri i hikoi au i te taha o te awa me whakatikahia”. Tekau mā waru ngā whare kei ten oho wātea na runga i te waipuke. Ko te āki mai i te kaunihera roto moana o Rotorua me rēhita te hunga kua raru na runga i tēnei tūahuatanga. Kua whakapā hoki rātou ki te kāwanatanga mo ētahi awhina.
Ki tā Te Minita mo ngā take o Te Rakau Whakamaru a Kris Faafoi “kua awhinatia mātou i ngā rā o mua me hoki ki Te Whanganui a Tara kia tere te tuku i ngā awhina ki ngā whānau e tino raru nei”. Mo te Koromatua o Rotorua a Steve Chadwick “kei te ohorere tonu mātou, na runga i te tere o tēnei mahi, kotahi ira rima te nui o te heke o te ua, nui ake tērā ā motu nei i roto i te rā kotahi”. He rāhui kua tau ki runga i ngā wāhi kua pākinotia na runga i te waipuke.
Ko te whakahau mai i te kaunihera ki kāua te hunga e horoi, e whakamahi hoki i te wharepaku hei māmā ki ngā ara tuku para.