Me tūtakarerewa ngā mātua. Koinā te kōrero whakahau kua puta i tētahi rīpoata hōu e mea ana kua nui ake te hunga tamariki Māori, Pasifika hoki kua hohiperatia.
Ko te mate huangō te take. Hei tā te rīpoata a Te Kunenga ki Pūrehuroa, atu i te tau rua mano mā rua, ki te tau rua mano tekau mā ono, kua piki ake te tatauranga o ngā tamariki i hohiperatia mā te whā tekau mā rima ōrau.
He neke atu i te ono mano ngā tamariki i raro i te tekau mā rima tau te pakeke i pā kinotia i te tau rua mano tekau mā ono.
Kei te takiwā o te whitu tekau ngā tāngata ka mate i te huangō ia tau ki Aotearoa nei.